🚨தமிழரசுக் கட்சியினை நிராகரிப்போம்- பெண்கள் அமைப்பு!!!

.🚨திருகோணமலையில் தமிழ் மக்களை பிரதிபலிக்கும் கட்சிகளில் முக்கியமான கட்சியாக இருக்கும் தமிழரசுக் கட்சி இம்முறை திருகோணமலைக்கான பாராளுமன்ற தேர்தலில் ஒரு பெண்ணைக் கூட களமிறக்காதது ஏன் எனும் கேள்வியினை பலர் முன்வைத்து வருகின்றனர். பெண் வேட்பாளர் ஒருவர் பாராளுமன்ற தேர்தலில் போட்டியிடவுள்ளதாக தெரிவித்த போதிலும் இறுதி நேரத்தில் அவர் நீக்கப்பட்டதையும் சுட்டிக்காட்டி,”திருகோணமலை மாவட்டம் சார்பாக இம்முறை பெண் வேட்பாளர் எவரும் களமிறக்கப்படவில்லை என்பது பெண்கள் மத்தியில் பெரும் அதிர்ச்சியினை ஏற்படுத்தியிருப்பதாகவும், இனி வரும் காலங்களில் பெண்கள் பிரதிநிதித்துவத்தினை உறுதிப்படுத்திக் கொள்ள வேண்டும் என்பதையும் அவ்வாறு பெண்களிற்கு பிரதிநிதித்துவத்தினை வழங்காதுவிடின் தமிழரசுக் கட்சியினை நாங்கள் நிராகரிக்கின்றோம்” என திருகோணமலைக்கான பெண்கள் அமைப்பு ஒன்று கூறியுள்ளது.